චීනයේ සංචාරක ආකර්ෂණය ලොව පුරා ඉහළට

චීනයේ සංචාරය කිරීම සඳහා ලොව පුරා ජනතාවගේ උනන්දුව වේගයෙන් වර්ධනය වෙමින් පවතින බව CGTN සිදු කළ ගෝලීය මාර්ගගත සමීක්ෂණයකින් තහවුරු වී තිබේ. සමීක්ෂණයට සහභාගී වූවන්ගෙන් 92.9%ක් ප්‍රකාශ කර ඇත්තේ“China Travel”සංචාරක ප්‍රවණතාවය ජනප්‍රිය වීම හරහා චීනය පිළිබඳ ජාත්‍යන්තර උනන්දුව වේගවත් වර්ධනයක් පෙන්නුම් කරන බවයි.

චීනයේ සංචාරක අත්දැකීම් පිළිබඳ විමසූ විට, ප්‍රතිචාර දක්වන්නන්ගෙන් 54.7%ක් ඓතිහාසික  හා සංස්කෘතික ස්ථාන නැරඹීමට වැඩි කැමැත්තක් පළ කර ඇත. ඒ අතර චීන මහා ප්‍රාකාරය සහ Forbidden City වැනි ස්ථාන විශේෂ අවධානයක් දිනාගෙන තිබේ. ස්වභාවික දර්ශන, විශේෂ සංස්කෘතික අත්දැකීම් සහ නවීන නාගරික ජීවිතය ද සංචාරකයන්ගේ ආකර්ෂණය දිනාගෙන ඇත.

55.5%ක පිරිසක් සාම්ප්‍රදායික චීන ආහාර සඳහා කැමැත්ත පළ කර තිබේ. අන්තර්ජාලයේ ප්‍රසිද්ධ විශේෂ ආහාර, නවීන තේ සහ ප්‍රාදේශීය ආහාර වර්ග ද සංචාරකයන්ගේ අවධානයට ලක්ව ඇත.

චීනයට පැමිණ මිලදී ගැනීමට කැමති භාණ්ඩ පිළිබඳ විමසූ විට, 48.3%ක් තාක්ෂණික නිෂ්පාදන සහ සුහුරු උපකරණ තෝරාගෙන තිබේ. චීන සංස්කෘතික හා නිර්මාණාත්මක නිෂ්පාදන, විශේෂ ආහාර සහ සාම්ප්‍රදායික ඇඳුම් සඳහා ද සැලකිය යුතු උනන්දුවක් පළ කර තිබීම විශේෂත්වයකි.

එමෙන්ම, 92.2%ක ප්‍රතිචාර දක්වන්නන් පවසා ඇත්තේ ජංගම දුරකතන හරහා කරන ගෙවීම්, අධිවේගී දුම්රිය සහ ගමනාගමන සේවා වැනි පහසුකම් චීන සංචාරක අත්දැකීමේ වැදගත් කොටස් බවට පත්ව ඇති බවයි.

චීනයේ වීසා ප්‍රතිපත්ති සරල කිරීම සහ ඇතුළුවීමේ ක්‍රියාවලිය පහසු කිරීම විදේශීය සංචාරකයන්ගේ පැමිණීමේ කැමැත්ත වැඩි කිරීමට උපකාරී වී ඇති බව ප්‍රතිචාර දැක්වූ අයගෙන් 91.8%කගේ අදහසයි.

CGTN නාලිකාවේ ඉංග්‍රීසි, ස්පාඤ්ඤ, ප්‍රංශ, අරාබි සහ රුසියානු භාෂා වේදිකා හරහා සිදු කළ මෙම සමීක්ෂණයට පැය 24ක් තුළ අන්තර්ජාල පරිශීලකයන් 7,085 දෙනෙකු සහභාගී වී සිය අදහස් පළ කර ඇත.