සැප්තැ­ම්බ­රයේ සංචා­ර­කයෝ ලක්ෂ­යක් ලංකාවට

මේ වසරේ සැප්තැ­ම්බර් මාස­යේදී ශ්‍රී ලංකා­වට පැමිණි විදෙස් සංචා­ර­ක­යන් සංඛ්‍යාව 100,000 ඉක්මවා ගොස් තිබේ. ඒ අනුව මේ වසරේ සැප්තැ­ම්බර් මස 20 වැනිදා වන­විට මෙර­ටට පැමිණි විදෙස් සංචා­ර­ක­යන්ගේ සංඛ්‍යාව 107,093ක් වන අතර, එය පෙර වස­රට සාපේ­ක්ෂව වර්ධ­න­යක් බව ශ්‍රී ලංකා සංචා­රක සංව­ර්ධන අධි­කා­රිය ප්‍රකාශ කරයි. ශ්‍රී ලංකා සංචා­රක සංව­ර්ධන අධි­කා­රිය (SLTDA) විසින් නිකුත් කරන ලද නව­තම දත්ත­ව­ලට අනුව, සැප්තැ­ම්බර් මාසයේ මුල් සති තුන තුළ ශ්‍රී ලංකා­වට පැමිණි විදේ­ශීය සංචා­ර­ක­යන් සංඛ්‍යාව 100,000 සීමාව ඉක්මවා ගොස් තිබේ. එම කාලය තුළ ශ්‍රී ලංකාවේ සංචා­රක වෙළෙ­ඳ­පො­ළට වැඩිම දාය­ක­ත්ව­යක් ලබා දෙන රට ලෙස ඉන්දි­යාව පෙර­මුණේ පසු වේ.

සැප්තැ­ම්බර් මාස­යේදී ඉන්දි­යා­වෙන් සංචා­ර­ක­යන් 32,536 දෙනකු පැමිණ ඇති අතර, එය එම මාසය තුළ පැමිණි සමස්ත සංචා­ර­ක­ය­න්ගෙන් සිය­යට 30ක පමණ ප්‍රති­ශ­ත­යකි. දෙව­නුව වැඩිම සංචා­ර­ක­යන් පැමිණි ප්‍රභ­වය ලෙස එක්සත් රාජ­ධා­නි­යෙන් සංචා­ර­ක­යන් 7,906 දෙනකු සහ තෙවැනි ස්ථාන­යට පැමිණි ඔස්ට්‍රේ­ලි­යා­වෙන් 7,393 දෙනකු වාර්තා වී ඇත. චීනය (6,409) සහ ජර්ම­නිය (5,440) පිළි­වෙ­ළින් සිව්වැනි සහ පස්වැනි ස්ථාන ලබා ගනි­මින් ප්‍රධාන සංචා­රක වෙළෙ­ඳ­පො­ළ­වල් අතර ඉදි­රි­යෙන් සිටී.

සැප්තැ­ම්බර් මාසයේ මෙම වර්ධ­න­යත් සමඟ, 2026 වසරේ මේ දක්වා ශ්‍රී ලංකා­වට පැමිණි සමස්ත සංචා­ර­ක­යන් සංඛ්‍යාව 1,642,215 දක්වා ඉහළ ගොස් තිබෙන අතර, ජන­වාරි සිට සැප්තැ­ම්බර් දක්වා වූ කාල­සී­මාව තුළ ද පැමි­ණීම් 418,019ක් වාර්තා කර­මින් ඉන්දි­යාව විශා­ල­තම දාය­ක­ත්වය ලබා දී ඇත. එක්සත් රාජ­ධා­නි­යෙන් සංචා­ර­ක­යන් 157,895 දෙනකු ද, චීන­යෙන් 107,237 දෙනකු ද, ජර්ම­නි­යෙන් 95,441 දෙනකු ද සහ ඔස්ට්‍රේ­ලි­යා­වෙන් 83,431 දෙනකු ද මෙර­ටට පැමිණ තිබේ.