By චීන ජනපති ෂී ජින්පිං මහතාගේ සංස්කෘතික චින්තනය පිළිබඳ දෙවන ජාත්යන්තර අධ්යයන සම්මන්ත්රණය පැවැත්වේ. “චීන මාදිලියේ නවීකරණය ප්රවර්ධනයේදී සංස්කෘතික ජීවගුණය තහවුරු කිරීම” යන මැයෙන් මෙම අධ්යයන සම්මන්ත්රණය ඊයේ (06) චීනයේ Guangdong පළාතේ Shenzhen නගරයේදී පැවැත්විණ.
දේශීය පර්යේෂණ ආයතන සහ විශ්වවිද්යාල මෙන්ම, ෂී ජින්පිං මහතාගේ සංස්කෘතික චින්තනය සහ චීන ශිෂ්ටාචාරය පිළිබඳ අධ්යයන සිදුකෙරෙන විදේශීය පර්යේෂණ ආයතන ද නියෝජනය කරමින් විශේෂඥයින්, විද්වතුන් ඇතුළු ආරාධිතයින් 130 දෙනෙකු පමණ ඊට එක් විය.
චීන කොමියුනිස්ට් පක්ෂ මධ්යම කාරක සභාවේ ප්රචාරක දෙපාර්තමේන්තුවේ නියෝජ්ය අමාත්ය Hong Dayong මහතා එම ආරම්භක උත්සවයේදී දේශනයක් පවත්වමින්, සංස්කෘතික ජීවගුණය තහවුරු කිරීම, ෂී ජින්පිං මහතාගේ සංස්කෘතික චින්තනයේ වැදගත් අංගයක් බව පැවසීය. එමෙන්ම රටක ඉතිහාසය සහ සංස්කෘතිය සඳහා නිසි වටිනාකමක් ලබා දිය යුත්තේ කෙසේද යන්නට සහ නවීකරණ රැල්ල තුළ ජාත්යන්තර සංස්කෘතික හුවමාරු සහ සහයෝගිතා සිදු කළ යුතු ආකාරය සම්බන්ධයෙන් ද මින් වැදගත් පිළිතුරු සැපයෙන බව ඔහු වැඩිදුරටත් පැවසීය.
