By නිරිතදිග ප්රංශයේ බෝඩෝක්ස් නගරය ආසන්නයටම පැමිණ ඇති ලැව්ගින්න පාලනය කිරීමට ගිනි නිවන හමුදාව දැඩි උත්සාහක නිරතව සිටින බව වාර්තා වේ. බෝඩෝක්ස් ඇතුළු නිරිතදිග ප්රංශයේ පළාත් රැසක මේ වන විට හෙක්ටයාර 42,000ක් විනාශ වී ඇති අතර, නිවාස 240ක් පමණ සම්පූර්ණයෙන්ම ගිනිබත් වී ඇතැයි වාර්තා වේ.ළැව්ගින්නට හසුවූ මෝටර් රථ සහ සෙසු වාහන මුළුමනින්ම විනාශ වී ඇතැයි ද වාර්තා වේ.
ළැව්ගින්න පාලනය කිරීම සඳහා ගිනි නිවන භටයන් දෙදහසකට අධික සංඛ්යාවක් කැඳවා ඇති අතර, යුරෝපීය රටවල් රැසකින් ද සහාය ලැබී තිබේ. ප්රංශය මෙවැනි විශාල ළැව්ගින්නකට මුහුණපා ඇත්තේ වසර 75කට පසුව බව කලාපයේ ගිනි නිවන හමුදාව ප්රකාශ කර ඇති අතර, දෙවැනි ලෝක මහා යුද්ධයෙන් පසු මුහුණ දුන් දරුණුතම ළැව්ගින්න මෙය බව ප්රංශ ජනාධිපති එමැනුවෙල් මැක්රොන් සඳහන් කර තිබේ.
ළැව්ගිනි තත්ත්වය ප්රංශයට මෙන්ම ස්පාඤ්ඤයට ද දැඩි බලපෑම් එල්ල කර ඇති බවත්, ස්පාඤ්ඤයේ මැඩ්රිඩ් නුවර ආසන්නයට පැමිණ ඇති ළැව්ගිනි පාලනය කිරීමට එරට රජය දැඩි උත්සාහයක නිරතව සිටින බවත් විදෙස් මාධ්ය සඳහන් කරයි. අවම වශයෙන් ලබන සිකුරාදා වනතුරු වර්ෂාව පිළිබඳ අනාවැකි පළ නොවීම නිසා මේ සතියේදී දෙරටේ උෂ්ණත්වය සෙල්සියස් අංශක 39 දක්වා ඉහළ යනු ඇතැයි ද පුරෝකථනය කර තිබේ.
