By අනතුරු ඇඟවීම් නොතකා හෝමූස් සමුද්ර සන්ධිය තරණය කිරීමට උත්සාහ කළ තෙල් ප්රවාහන නෞකා තුනක් පිපිරීමට ලක්ව ඇති බව විදෙස් මාධ්ය වාර්තා පවසයි. ඉන් නෞකා දෙකක් පෙරේදා (19) රාත්රියේදී පිපිරීමට ලක්වී ඇති අතර, තවත් නෞකාවක් ඊයේ(20) ප්රහාරයකට ලක්වීමෙන් ගිනිගත් බව බ්රිතාන්ය සමුද්රීය වෙළෙඳ මෙහෙයුම් සංවිධානය ප්රකාශ කර ඇත. ඕමානයේ කුම්සාර් නගරයට වයඹ දෙසින් නාවික සැතපුම් 8ක් දුරින් යාත්රා කරමින් සිටියදී ප්රහාරයට ලක්වීමෙන් නෞකාව ගිනිබත් වී ඇති අතර, එහි කාර්ය මණ්ඩලය නෞකාව හැර ගොස් ඇතැයි විදෙස් මාධ්ය වාර්තා කියා සිටී. පසුව ආරක්ෂක බෝට්ටුවකින් ඔවුන් බේරාගෙන ඇතැයි ද සඳහන්ය.
මේ අතර නිවේදනයක් නිකුත් කරමින් ඉරාන ආරක්ෂක හමුදාව ප්රකාශ කර ඇත්තේ අමෙරිකාවේ බල කිරීම යටතේ උපායමාර්ගිකව හෝමූස් මුහුදු තීරය හරහා යාත්රා කිරීමට උත්සාහ ගැනීමේදී එම තෙල් ප්රවාහන නෞකා ප්රහාරයට ලක්වූ බවය. ඉරානයට එල්ල වන අමෙරිකානු ප්රහාර නවතිනතුරු හෝමූස් මුහුදු තීරය හරහා තෙල් බිඳක්වත් ප්රවාහනය කිරිමට ඉඩ නොදෙන බවට ඉරාන ආරක්ෂක හමුදාව අනතුරු අඟවා ඇතැයි ද වාර්තා වේ.
