By චීන කොමියුනිස්ට් පක්ෂයේ 20වැනි මධ්‍යම කාරක සභාවේ පස්වැනි පූර්ණ සැසියේ වැදගත්ම ප්‍රතිඵලය වන්නේ“පූර්ණ හා දැඩි විනයකින් යුතුව පක්ෂ පාලනය අඛණ්ඩව ඉදිරියට ගෙන යාමට අදාළ ප්‍රධාන කරුණු රැසක් පිළිබඳ චීන කොමියුනිස්ට් පක්ෂ මධ්‍යම කාරක සභාවේ තීරණය” සමාලෝචනය කර සම්මත කිරීම බව චීන කොමියුනිස්ට් පක්ෂයේ මධ්‍යම කාරක සභාව පවසයි.
එම පූර්ණ සැසියේ කරුණු පැහැදිලි කිරීම සඳහා චීන කොමියුනිස්ට් පක්ෂ මධ්‍යම කාරක සභාව අද (30) පෙරවරුවේ විශේෂ මාධ්‍ය හමුවක් පැවැත්වීය.
එහිදී අදහස් දැක්වූ මධ්‍යම කාරක සභාවේ ප්‍රතිපත්ති අධ්‍යනය කාර්යාලයේ අධ්‍යක්ෂ Tang Fangyu මහතා සඳහන් කළේ, පූර්ණ සැසියේ වැදගත්ම ප්‍රතිඵලය වන්නේ පක්ෂය පූර්ණ හා දැඩි විනයකට යටත්ව පාලනය කිරීම අඛණ්ඩව ඉදිරියට ගෙන යාම සම්බන්ධයෙන් චීන කොමියුනිස්ට් පක්ෂ මධ්‍යම කාරක සභාව ඉදිරිපත් කළ ප්‍රධාන කරුණු කිහිපයක් පිළිබඳ තීරණය සමාලෝචනය කර සම්මත කිරීම බවය.
චීන ජාතියේ දිගුකාලීන අභිවෘද්ධිය වෙනුවෙන් කැපවී සිටින චීන කොමියුනිස්ට් පක්ෂයේ ගොඩනැගීමේ කටයුතු එහි අනාගතය මෙන්ම පක්ෂයේ සහ රටේ සමස්ත කටයුතුවල සාර්ථකත්වය හෝ අසාර්ථකත්වය තීරණය කරන වැදගත් සාධකයක් බව ද ඔහු පෙන්වා දුන්නේය.
චීන කොමියුනිස්ට් පක්ෂය පිහිටුවීමේ 105වැනි සංවත්සරය සහ චීනයේ 15වැනි පස් අවුරුදු සැලැස්මේ ආරම්භය සනිටුහන් කරන මෙවැනි වැදගත් අවස්ථාවක, පක්ෂය පාලනය කිරීම, ගොඩනැගීම සහ ශක්තිමත් කිරීම සඳහා උපායමාර්ගික සැලසුම් සකස් කිරීම ඉතා වැදගත් මෙන්ම අත්‍යවශ්‍ය බව ද Tang Fangyu මහතා වැඩිදුරටත් සඳහන් කළේය.
