By අමෙරිකාවේ ටෙනෙසි ප්‍රාන්ත බන්ධනාගාරයේදී විෂ සහිත ඖෂධ මාත්‍ර එන්නත්කරණ 2කින්ම අසාර්ථක වූ මරණ දඬුවමකින් පසු ප්‍රාන්ත රෝහලක දැඩි සත්කාර ඒකකයේ අසාධ්‍ය තත්ත්වයෙන් පසුවු 50 හැවිරිදි ක්‍රිස්ටා පයික් සිහිය ලබා ඇතැයි වාර්තා වේ. මීට වසර 30කට පෙර සිය විශ්වවිද්‍යාල මිතුරියක කෘෘර ලෙස වධ හිංසාවට ලක් කර ඝාතනය කිරීම සම්බන්ධව මරණ දඬුවම නියම වී සිටි ඇය මාරාන්තික එන්නත් ශරීරගත කිරීමෙන් පසුවත් දිවි බේරාගත් ලොව පළමු පුද්ගලයා බවට සැලකෙන අතර, එය වෛද්‍ය විද්‍යාවේ පෙර නොවූ විරූ විස්මිත සිදුවීමක් වෛද්‍ය විශේෂඥයන්ගේ අදහස වී තිබේ. විෂ ඖෂධ මාත්‍රා එන්නත් කිරීම අසාර්ථක වීමට හේතුව මෙතෙක් හෙළි වී නොමැති අතර, එම ඖෂධය ඇගේ රුධිරයට ඇතුළු වීම වෙනුවට බාහුවේ පටක අතරට ඇතුළු වී ඇති බව වෛද්‍ය විශේෂඥවරුන් අනුමාන කර ඇතැයි ද වාර්තා වේ.
කෙසේ වෙතත් ටෙනෙසි ප්‍රාන්ත රෝහලක දින ගණනාවක් පුරා කෘත්‍රිම ස්වසන යන්ත්‍ර ආධාරකයෙන් ජීවිතය රැකගත් ඇගේ සිරුරේ විෂ ඉවත් කිරීමට වෛද්‍යවරු පියවර ගැනීමෙන් පසු සිහිය ලැබුවද, මොළයට සිදුවී ඇති හානිය හේතුවෙන් ඇගේ සෞඛ්‍ය තත්ත්වය අවිනිශ්චිත බව වාර්තා වේ.
