By ගෝලීය වර්ධනය 2026 වසරේදී සියයට 3.0 දක්වා මන්දගාමී වන බව ජාත්‍යන්තර මූල්‍ය අරමුදල පුරෝකථනය කරයි.
එමෙන්ම 2027 වසරේ දී එය සියයට 3.4 දක්වා යථා තත්ත්වයට පත් වනු ඇති බව එම ආයතනය ඊයේ(8) නිකුත් කළ ප්‍රකාශයේ දැක්වේ.
මෙය 2025 වසරේ වර්ධනයෙන් සියයට 3.5ක සාමාන්‍යයට වඩා අඩු වන අතර, 2026 වසරේ අප්‍රේල් මස ලෝක ආර්ථික දැක්ම වාර්තාවේ සියයට 3.1ක පුරෝකථනයට ද වඩා තරමක් අඩු අගයක් ගෙන ඇත. මධ්‍යස්ථ මන්දගාමිත්වය මැද පෙරදිග යුද්ධයේ බලපෑම් පිළිබිඹු කෙරේ. නමුත් කෘත්‍රිම බුද්ධියේ දියුණුව සහ එහි ක්‍රියාකාරිත්වය හේතුවෙන් ගෝලීය තාක්‍ෂණ චක්‍රයේ වේගවත් ඉල්ලුම මත පදනම් වූ ගම්‍යතාවයෙන් අර්ධ වශයෙන් මෙම තත්ත්වය සමනය වන බව ජාත්‍යන්තර මූල්‍ය අරමුදලේ ජූලි වාර්තාවෙන් පෙන්වා දී ඇත.
නැගී එන වෙළඳපොළ සහ සංවර්ධනය වෙමින් පවතින ආර්ථිකයන්හි වර්ධනය 2026 වසරේ දී සියයට 3.8 දක්වා මන්දගාමී වන අතර 2027 වසරේ දී යළිත් සියයට 4.5 දක්වා යථා තත්ත්වයට පත් වනු ඇතැයි අපේක්ෂා කරන බව ද එම වාර්තාව පවසයි.
2026 වසරේ දී චීන ආර්ථිකය සියයට 4.6කින් වර්ධනය වනු ඇතැයි අපේක්ෂා කරන අතර එය අප්‍රේල් මාසයේ පුරෝකථනයට වඩා සියයට 0.2ක වැඩිවීමකි. චීනය එවැනි ඉහළ නැංවීමේ සංශෝධනයක් අත්පත් වූ ප්‍රධාන ආර්ථිකයන් කිහිපයෙන් එකකි.
