By එක්සත් ජාතීන්ගේ 81 වැනි මහා මණ්ඩල සැසිවාරයේ නිරායුධකරණය සහ ජාත්‍යන්තර ආරක්ෂක කමිටුව පසුගිය 31 වැනිදා, “ජාත්‍යන්තර ආරක්ෂක ක්ෂේත්‍රය තුළ ජාත්‍යන්තර සහයෝගීතාවයේ සාමකාමී භාවිතය ප්‍රවර්ධනය කිරීම” යන මාතෘකාව යටතේ චීනය විසින් ඉදිරිපත් කරන ලද යෝජනාව සම්මත කළේය. චීන විදේශ අමාත්‍යාංශ ප්‍රකාශිකා Mao Ning මහත්මිය (02) පැවති නිත්‍ය මාධ්‍ය හමුවේදී මේ සම්බන්ධයෙන් අදහස් දැක්වූවාය.
එක්සත් ජාතීන්ගේ මහා මණ්ඩලය විසින් එම යෝජනාව සම්මත කර ගැනීම චීනය සාදරයෙන් පිළිගන්නා බව Mao Ning මහත්මිය එහිදී ප්‍රකාශ කළාය.
විද්‍යාව හා තාක්ෂණය සාමකාමීව භාවිත කිරීම සඳහා සංවර්ධනය වෙමින් පවතින රටවල නීත්‍යනුකූල අයිතිවාසිකම් තහවුරු කරන ලෙස එම යෝජනාවෙන් ඉල්ලා සිටින අතර ජාත්‍යන්තර සහයෝගීතාවයේ සාමකාමී භාවිතය ප්‍රවර්ධනය කිරීම සඳහා ස්ථිර පියවර ගන්නා ලෙස ද සියලු රටවලින් ඉල්ලා ඇත. 2021 වසරේ සිට මේ දක්වා කාලය තුළ, විද්‍යාව හා තාක්ෂණය සාමකාමී අරමුණු සඳහා භාවිත කිරීම පිළිබඳ යෝජනාවක් එක්සත් ජාතීන්ගේ මහා මණ්ඩලය වෙත චීනය ඉදිරිපත් කළ සිව්වන අවස්ථාව මෙයයි. චීනය තම ගෝලීය ආරක්ෂක මුලපිරීම ඉදිරියට ගෙන යාම සඳහා වන ප්‍රධාන ක්ෂේත්‍රවලින් එකක් ලෙස, මෙම යෝජනාව ක්‍රියාත්මක කිරීම පවතින බව ඇය සඳහන් කළාය.
