චීන-ඔස්ට්‍රියා විදේශ අමාත්‍යවරුන් අතර සාකච්ඡාවක්

චීන විදේශ අමාත්‍ය වං යී මහතා ඔස්ට්‍රියා විදේශ අමාත්‍ය Beate Meinl-Reisinger මහත්මිය සමග සාකච්ඡාවක් පැවැත්වීය. එය ඊ‍‍යේ (25) බෙයිජිංහිදී සිදු විය.

චීන-ඔස්ට්‍රියා රාජ්‍යතාන්ත්‍රික සබඳතාව ස්ථාපිත කිරීමේ සිට ගෙවී ගිය වසර 55 තුළ ද්වපාර්ශ්වික සම්බන්ධතාව සමස්ත වශයෙන් යහපත් හා ස්ථාවර සංවර්ධන මට්ටමක පැවති බව වං යී මහතා එහිදී පෙන්වා දුන්නේය. වෙනස් සංවර්ධන ක්‍රම සහ වෙනස් ශිෂ්ටාචාර පවතින රටවල් අතර මිත්‍රත්වය මෙන්ම හවුල්කාරිත්වය ගොඩනැගිය හැකි බව දෙරටේ මිත්‍ර උපායමාර්ගික සබඳතාවෙන් සනාථ වී ඇති බව ඔහු පැවසීය. සාම්ප්‍රදායික චීන-ඔස්ට්‍රියා මිත්‍රත්වය නව යුගයේදී නව ජීවයක් සඳහා ආදර්ශනයක් වීමට දෙරට කටයුතු කළ යුතු බව වං යී මහතා අවධාරණය කළේය.

Beate Meinl-Reisinger මහත්මිය එහිදී පැවසුවේ චීනය සමග සබඳතාව ඔස්ට්‍රියාව ඉතා වැදගත් කොට සලකන අතර, එකම චීනය මූලධර්මය අඛණ්ඩව අනුගමනය කරන බවයි. ඔස්ට්‍රියාවේ සමාගම් අඛණ්ඩව චීන වෙළඳාමට අවධානය යොමු කරනු ඇතැයි ද සඳහන් කළ ඇය යුරෝපය සහ චීනය අතර සංවාද ප්‍රවර්ධනය කිරීමට ඔස්ට්‍රියාව දායක වනු ඇති බව ප්‍රකාශ කළාය.