By ඊශ්‍රායලය ඉරානය වෙත දියත් කර ඇති වික්‍රමාන්විත හමුදාමය ක්‍රියා වහාම නතර කරන ලෙස එක්සත් ජාතීන්ගේ සංවිධානයේ චීන නිත්‍ය නියෝජිත Fu Cong මහතා ඊයේ(13) ඊශ්‍රායලයෙන් ඉල්ලීමක් කළේය. පෙර දින, ඊශ්‍රායලය ඉරානයේ බහුවිධ ඉලක්ක වෙත මහා පරිමාණ ප්‍රහාර දියත් කර තිබේ. එමඟින් ඉරානයේ න්‍යෂ්ටික මධ්‍යස්ථානවලට හානි සිදු වූ අතර ජීවිත හානි ද සිදු විය. ඉරානයේ ස්වෛරීභාවය, ආරක්ෂාව සහ භෞමික අඛණ්ඩතාව උල්ලංඝනය කරන ඊශ්‍රායලයේ ක්‍රියාවන් චීනය හෙළා දකින බව ඔහු පැවසීය.
එක්සත් ජාතීන්ගේ ප්‍රඥප්තියට සහ ජාත්‍යන්තර නීතියට අවනත වන ලෙසත්, දේශපාලනික සහ රාජ්‍ය තාන්ත්‍රික ක්‍රම ඔස්සේ ගැටුම් සඳහා විසඳුම් ලබා ගෙන කලාපීය සාමය සහ ස්ථාවරත්වය ඒකාබද්ධව ආරක්ෂා කරන ලෙසත් චීනය සියලු පාර්ශ්වයන්ගෙන් ඉල්ලා සිටී.
ඊශ්‍රායලය වෙත සැලකිය යුතු බලපෑමක් කළ හැකි රටවල් වඩාත් ඵළදායී කාර්යභාරයක් ඉටු කළ යුතුය. එක්සත් ජාතීන්ගේ ප්‍රඥප්තිය මගින් ආරක්ෂක මණ්ඩලයට පවරා ඇති සියලු ක්‍රම උපයෝගී කරගනිමින් අදාළ යෝජනා ක්‍රියාත්මක කිරීම සහතික කළ යුතු අතර කලාපීය සාමය සහ ආරක්ෂාව පවත්වා ගැනීම සඳහා එහි නිසි කාර්යභාරය ඉටු කළ යුතු බවද Fu Cong මහතා සඳහන් කළේය.
