චීනය සහ යුරෝපා සංගමය අතර රාජ්‍ය තාන්ත්‍රික සබඳතා ස්ථාපිත කිරීමේ 50 වන සංවත්සරය වෙනුවෙන් සුබ පැතුම් යොමු කෙරේ

චීනය සහ යුරෝපා සංගමය අතර රාජ්‍ය තාන්ත්‍රික සබඳතා ස්ථාපිත කිරීමේ 50 වන සංවත්සරය වෙනුවෙන් චීන ජනාධිපති ෂී ජින් පිං මහතා, යුරෝපා කවුන්සිලයේ සභාපති António Costa මහතා සහ යුරෝපා සංගමයේ සභාපතිනි Ursula von der Leyen මහත්මිය අතර සුබ පැතුම් පණිවිඩ හුවමාරු කෙරිණ. එම පණිවිඩය අද (6) යොමු කර තිබේ.

චීනය සහ යුරෝපා සංගමය අතර රාජ්‍ය තාන්ත්‍රික සබඳතා ස්ථාපිත කිරීමෙන් පසු ගත වූ වසර 50 තුළ දෙපාර්ශ්වය සෑම මට්ටමකින්ම සහ සෑම ක්ෂේත්‍රයකම සමීප හුවමාරු පවත්වා ගෙන ගොස් ඇති බවත්, සංවාද හා සහයෝගීතාවයෙන් ඵලදායී ප්‍රතිඵල අත්කර ගෙන ඇති බවත් ෂී ජින් පිං මහතා පෙන්වා දුන්නේය. චීන-යුරෝපා සංගම් සබඳතා ලෝකයේ වඩාත්ම බලගතු ද්විපාර්ශ්වික සබඳතාවලින් එකක් බවට පත්ව ඇති අතර, චීන සහ යුරෝපා ජනතාවගේ යහපැවැත්ම වැඩිදියුණු කිරීමට සහ ලෝක සාමය හා සංවර්ධනය ප්‍රවර්ධනය කිරීමට වැදගත් දායකත්වයක් ලබා දී ඇත.

චීන-යුරෝපා සංගම් සබඳතා වර්ධනයට තමන් විශාල වැදගත්කමක් ලබා දෙන බව ෂී ජින් පිං මහතා අවධාරණය කළේය. රාජ්‍ය තාන්ත්‍රික සබඳතා ස්ථාපිත කිරීමේ 50 වන සංවත්සරය ප්‍රයෝජනයට ගනිමින්, චීන-යුරෝපා සංගම් උපායමාර්ගික සන්නිවේදනය ගැඹුරු කිරීම, ගැටුමකින් තොරව මතභේද නිසි ලෙස හසුරුවා ගැනීම සහ චීන-යුරෝපා සංගම් සබඳතා සඳහා දීප්තිමත් අනාගතයක් විවෘත කිරීම සඳහා,  António Costa මහතා සහ Ursula von der Leyen මහත්මිය සමඟ කටයුතු කිරීමට තමන් කැමැත්තෙන් සිටින බව චීන ජනාධිපතිවරයා පැවසීය.

වත්මන් ගෝලීය අවිනිශ්චිතතාවයන් සහ භූ දේශපාලනික වෙනස්කම් මධ්‍යයේ, චීනය සමඟ හවුල්කාරිත්වය ගැඹුරු කිරීමට යුරෝපා සංගමය කැමැත්තෙන් සිටින බව යුරෝපා සංගම් නායකයින් සඳහන් කළේය. චීනය සමඟ හුවමාරු සහ සහයෝගීතාව ශක්තිමත් කිරීමටත්, පොදු අභියෝගවලට මුහුණ දීමටත්, ලෝක සාමය, ආරක්ෂාව, සමෘද්ධිය සහ තිරසර සංවර්ධනය ප්‍රවර්ධනය කරමින් ගැටුම්වලින් තොරව කටයුතු කිරීමට යුරෝපා සංගමය කැමැත්තෙන් සිටින බව ද ඔවුහු පැවසූහ.

චීන අග්‍රාමාත්‍ය Li Qiang මහතා අද (6), António Costa මහතා සහ Ursula von der Leyen මහත්මිය සමඟ සුබ පැතුම් පණිවිඩ හුවමාරු කර ගත්තේය.