“Ne Zha 2” ලෝක සිනමා ඉතිහාසයේ ඉහළම බොක්ස් ඔෆිස් වාර්තා 5 අතරට එක් වෙයි

“Ne Zha 2” චිත්‍රපටය ඩිස්නි සමාගමේ “Star Wars: The Force Awakens” නිර්මාණය අභිබවා යමින් ලොව පුරා වැඩිම ආදායම් ඉපැයූ 5 වන චිත්‍රපටය බවට පත් වෙයි.

ප්‍රවේශපත්‍ර වේදිකාවක් වන Maoyan හි දත්තවලට අනුව “Ne Zha 2” චිත්‍රපටයේ පූර්ව අලෙවිය ඇතුළුව ගෝලීය ආදායම සෙනසුරාදා දිනය (15 ) වන විට යුවාන් බිලියන 15.019 ( ඇ.ඩො බිලියන 2.09) ඉක්මවා තිබේ.

පසුගිය ජනවාරි මස 29 වැනි දා චීන අලුත් අවුරුදු දින ප්‍රදර්ශනය ආරම්භ වී දින 45කට පසුව මෙම සන්ධිස්ථානයට ළඟා වීමට එම සිනමා පටයට හැකි විය.

තනි වෙළඳපොලකින් ඇ.ඩො බිලියන 1ක් උපයා ගත් ලොව පළමු චිත්‍රපටය, බිලියනයක වාර්තාවකට හිමිකම් කියූ ලොව හොලිවුඩ් නොවන චිත්‍රපටය සහ ලොව පුරා වැඩිම ආදායමක් උපයාගත් සජීවීකරණ චිත්‍රපටය ලෙස “Ne Zha 2” ඉතිහාසයට එක් ව තිබේ.