By නයේ 2025 වසරේ ආර්ථික වර්ධන පුරෝකථනය තවත් ඉහළ නංවා ඇති බව ලෝක බැංකුව පවසයි. ලෝක බැංකුව අද (11) බෙයිජිං හිදී චීන ආර්ථිකය පිළිබඳ නවතම කෙටි වාර්තාවක් නිකුත් කරමින් මේ බව ප්රකාශ කර තිබේ. ඒ අනුව, මීට පෙර නිකුත් වූ වාර්තාවට සාපේක්ෂව චීනයේ 2025 වසරේ අපේක්ෂිත ආර්ථික වර්ධන වේගය සියයට 0.4කින් ඉහළ නංවා ඇති බව එහි දැක්වේ.
චීන රජයේ වඩාත් සක්රිය මූල්ය ප්රතිපත්ති හා සාපේක්ෂ ලිහිල් මුදල් ප්රතිපත්ති දේශීය පරිභෝජනය හා ආයෝජනයට අනුබල දී ඇත. චීනයේ වඩාත් විවිධාංගීකරණ අපනයන වෙළඳපළ, අපනයනයේ ඔරොත්තු දීමේ හැකියාව සහතික කිරීමට රුකුලක් වී තිබෙන බවද එම වාර්තාවේ වැඩිදුරටත් සඳහන් වේ.
මේ සම්බන්ධයෙන්, ලෝක බැංකුවේ චීන ශාඛා අධ්යක්ෂ Mara K. Warwick මහත්මිය ප්රකාශ කළේ ඉදිරි වසර කිහිපය තුළ චීන ආර්ථික වර්ධනය දේශීය අවශ්යතා මත වැඩි වශයෙන් රඳා පවතිනු ඇති බවයි. චීනයේ වඩාත් ක්රියාශීලී මූල්ය ප්රතිපත්තිය, අඛණ්ඩව තහවුරු කෙරෙන ව්යුහාත්මක ප්රතිසංස්කරණ සහ වඩාත් පුරෝකථනය කළ හැකි ව්යාපාරික පරිසරය යන සාධකයන්, විශ්වාසය ඉහළ දමමින් ඔරොත්තු දීමේ හැකියාවෙන් යුත් තිරසර වර්ධනයට පදනමක් ලබා දීමට ඉවහල් වනු ඇතැයි ද ඇය වැඩිදුරටත් පෙන්වා දුන්නාය.
