By චීනයට එරෙහි තීරුබදු ඉහළ නැංවීමේ ඇමරිකාවේ තර්ජනයට දැඩි විරෝධය පළ කරන බව චීන වාණිජ අමාත්‍යාංශ ප්‍රකාශකයා අද(8) පැවසීය.
චීනයට එරෙහි තීරුබදු 50%කින් ඉහළ නංවන බව ඇමරිකාව ඊයේ(07) තර්ජනය කළේ ය. ඊට චීනය දැඩි ලෙස විරුද්ධ වන බවත්, තීරුබදු නැංවීම ක්‍රියාත්මක කළහොත් සිය අයිතිවාසිකම් සහ අවශ්‍යතා ආරක්ෂා කර ගැනීමට චීනය ප්‍රති-පියවර ගනු ඇති බවත් ඔහු පැවසීය.
චීනය මත ඇමරිකාව ඊනියා “අන්‍යෝන්‍ය අතිරේක තීරුබදු” පැනවීම පදනම් විරහිත බවත්, එය ඒකපාර්ශ්වික හිරිහැර කිරීමේ ක්‍රියාවක් බවත් ඔහුගේ අදහස විය. චීනය ගෙන ඇති ප්‍රති-පියවරයන් සිය ස්වෛරීභාවය, ආරක්ෂාව සහ සංවර්ධන අවශ්‍යතා ආරක්ෂා කිරීම අරමුණු කර ගත් පියවරයන් බව ද හෙතෙම සඳහන් කර ඇත.
