By චීන ජනාධිපති ෂී ජින් පිං මහතා කාම්බෝජ මහජන පක්ෂයේ සභාපති හා සෙනෙට් සභාවේ සභාපති Samdech Hun Sen මහතා සමඟ සාකච්ඡාවක් පවත්වයි. එය (3) බෙයිජිං අගනුවර පිහිටි ද්‍යාඕයුටයි රාජ්‍ය අමුත්තන්ගේ නිකේතනයේදී සිදුවිය.
උසස් තත්ත්වයේ, ඉහළ මට්ටමේ සහ ඉහළ ප්‍රමිතියකින් යුත් නව යුගයේ පොදු ඉරණමක් සහිත චීන-කාම්බෝජ ප්‍රජාවක් ගොඩනැගීම සඳහා කාම්බෝජය සමඟ කටයුතු කිරීමට චීනය කැමැත්තෙන් සිටින බව ෂී ජින් පිං මහතා එම සාකච්ඡාවේදී පැවසීය. දෙපාර්ශ්වයම එකිනෙකාට ස්ථිරව සහයෝගය දක්වමින්, හුවමාරුව සහ අන්‍යෝන්‍ය ඉගෙනීම ගැඹුරු කළ යුතු අතර සහයෝගීතා අවස්ථා වඩාත් වැඩියෙන් සපයා දිය යුතු බව ෂී ජින් පිං මහතා එහිදී අවධාරණය කළේය. ජාත්‍යන්තර හා කලාපීය කටයුතුවලදී වඩා විශාල කාර්යභාරයක් ඉටු කිරීම සඳහා කාම්බෝජයට සහාය දක්වන චීනය, ආසියාන් සංගමයේ ඒකීයකරණය සහ ප්‍රජා ගොඩනැගීම තරයේ ප්‍රවර්ධනය කිරීමට සූදානමින් සිටින බව ද චීන ජනාධිපතිවරයා කියාසිටියේය.
කාම්බෝජයේ දේශපාලන, ආර්ථික හා සාමාජීය සංවර්ධනය සඳහා දිගුකාලීන වටිනා සහයෝගය හා ආධාර ලබා දූන් චීනයට කාම්බෝජය ස්තුතිය පළ කරන බව Hun Sen මහතා එහිදී පැවසීය. එකම චීනය යන මූලධර්මය දැඩි ලෙස පිළිපදින කාම්බෝජය, චීනය සමඟ දේශපාලන අන්‍යෝන්‍ය විශ්වාසය පුළුල් ලෙස ගැඹුරු කිරීමටත් විවිධ ක්ෂේත්‍රවල ප්‍රායෝගික සහයෝගීතා ප්‍රවර්ධනය කිරීමටත් කැමැත්තෙන් සිටින බව හෙතෙම සඳහන් කළේය.
