By චීනයේ ඉදිරි 15 වැනි පස් අවුරුදු සැලසුම් කාලය (2026-2023) සාර්ථකව ආරම්භ කිරීම සහතික කිරීම වෙනුවෙන් අවශ්ය පියවර ගන්නා ලෙස චීන කොමියුනිස්ට් පක්ෂ මධ්යම කාරක සභාවේ මහලේකම්වරයා වන චීන ජනාධිපති ෂී ජින් පිං මහතා, පක්ෂයේ ජ්යෙෂ්ඨ නිලධාරීන්ගෙන් ඉල්ලා සිටියි.
චීන කොමියුනිස්ට් පක්ෂයේ මධ්යම කාරක සභාවටත්, චීන ජනාධිපතිවරයාටත්, එහි ජ්යෙෂ්ඨ නිලධාරීන් විසින් මෑතකදී ඉදිරිපත් කරන ලද වාර්ෂික කාර්ය වාර්තා සමාලෝචනය කිරීමෙන් අනතුරුව හෙතෙම මේ බව ප්රකාශ කළේය.
අදාළ නිලධාරීන් අතරට දේශපාලන කාර්යාංශයේ සහ චීන කොමියුනිස්ට් පක්ෂ මධ්යම කාරක සභාවේ ලේකම් කාර්යාලයේ සාමාජිකයින් මෙන්ම ජාතික මහජන කොංග්රසයේ ස්ථාවර කමිටුව, රාජ්ය කවුන්සිලය හා චීන මහජන දේශපාලන උපදේශක සමුළුවේ ජාතික කමිටුව ප්රමුඛ පක්ෂ සාමාජික කණ්ඩායම්හි සාමාජිකයින් සහ උත්තරීතර මහජන අධිකරණයේ මෙන්ම උත්තරීතර මහජන ප්රසම්පාදක මණ්ඩලය ප්රමුඛ පක්ෂ සාමාජික කණ්ඩායම්හි ලේකම්වරුන් ද ඇතුළත් විය.
එමෙන්ම සැමවිටම මධ්යම පක්ෂ නායකත්වය අනුව යමින් එකම අදහස් දැරීම, එකම දේශපාලන ස්ථාවරයක සිටීම සහ එකම ක්රියාමාර්ග අනුගමනය කිරීම වෙනුවෙන් පෙළගැසෙන ලෙස ද ෂී ජින් පිං මහතා නිලධාරීන්ගෙන් ඉල්ලා ඇත. තවද, එහි තීරණ සහ සැලසුම් සම්පූර්ණයෙන්ම ක්රියාත්මක වන බව සහතික කිරීම සඳහා ස්ථාවර පියවර ගැනීමේ අවශ්යතාව ද හෙතෙම එහිදී අවධාරණය කර තිබේ.
එමෙන්ම පාලන ක්රියාවලියේ කාර්යසාධනය පිළිබඳ නිවැරදි දැක්මක් ස්ථාපිත කිරීමට සහ ක්රියාත්මක කිරීමට පෙරමුණ ගන්නා ලෙසත්, ශක්තිමත් සහ කැපවූ සේවාවන් තුළින් ජනතාවට සැබෑ ලෙස අත්විඳිය හැකි ජයග්රහණ ලබා දීම සඳහා උත්සාහ ගන්නා ලෙසත් ෂී ජින් පිං මහතා නිලධාරීන්ගෙන් ඉල්ලා සිටියේය.
